FIFA bëri të ditur të enjten se ka autorizuar dy lojtarë të tjerë që të luajnë për Kosovën pasi kanë luajtur më parë me fanellën e një seleksioni tjetër, ndërkohë që Kosova merr pjesë për herë të parë në eliminatoret e Botërorit 2018 në Rusi.
Besart Berisha (Melbourne Victory) dhe Mërgim Vojvoda (Mouscron, Belgjike, të cilët kanë luajtur me fanellën e Shqipërisë, mund të aktivizohen me Kosovën, që do të shkojë të shtunën në Turqi për ndeshjen e radhës, bëri të ditur FIFA.
Në fillim të shtatorit, FIFA autorizoi 16 lojtarë që të ndryshojnë seleksion për t’u bashkuar me Kosovën.
Mes këtyre lojtarëve figurojnë futbollistë që kanë luajtur me Shqipërinë, por edhe me Zvicrën, Gjermaninë apo me Norvegjinë.
