Seanca plenare e ditës së sotme ka nisur me dikutimin e përmbytjeve në vend.
Në rend dite është diskutimi i Projektligjit për Performancën e Energjisë në Ndërtesa.
Drafti synon krijimin e kuadrit ligjor për nxitjen dhe përmirësimin e përdorimit efiçent të energjisë, në ndërtesat ekzistuese.
Në rend dite janë dhe ratifikimi i dy marrëveshjeve, ajo ndërmjet palës shqiptare dhe Bankës Ndërkombëtare për Rindërtim dhe Zhvillim, për financimin e projektit “Modernizimi i asistencës sociale”, si dhe ratifikimi i marrëveshjes, mes vendeve të Ballkanit Perëndimor, për ngritjen e Zyrës Rajonale për Bashkëpunim Rinor.
Ndërsa më me interes priten diskutimet jashtë rendit të ditës në lidhje me Progres – Raportin e KE-së për Shqipërinë, por edhe situata e përmbytjeve në vend.
