Shqipëria ka njohur përmbytje të mëdha në çdo vit të qeverisjes së Edi Ramës. Edhe ky vit nuk mund të bënte përjashtim, pavarësisht se kryeministri kishte premtuar se gjërat do ndryshonin.
Por ky rekord i zi nuk e ndali qeverinë që të sulmonte opozitën në mbrëmje.
Edi Rama, i kthyer nga një vizitë në Turqi dhe Greqi, tha se nuk mund të fliste për situatën, pasi atë e kishte monitoruar zëvendëskryeministri Erion Braçe.
Ky i fundit përsëriti refrenin e kësaj qeverie sa herë përmbytet vendi, duke thënë se nuk ka vdekur asnjë njeri.
Edhe pse janë shkatërruar pronat dhe jetët e njerëzve, Braçe kishte kohë që të sulmonte edhe opozitën.
“Ne nuk kemi qenë në fushatë elektorale në territor siç të tjerë në mënyrë të papërgjegjshme vazhdojnë ta bëjnë këtë gjë, por kemi qenë për punë,” tha Braçe.
Ndërkohë dy qytetet më të përmbytura mbeten Durrësi dhe Vlora, të qeverisur në mënyrë shkatërrimtare nga socialistët gjatë këtyre viteve.
