Karl-Heinze Rummenigge, drejtori administrativ i Bayern Munich, ka folur në emisionin “Tiki Taka” në lidhje me çmimet që morën Robert Leëandoëski dhe Cristiano Ronaldo. Polaku u shpall më i miri i vitit, kurse CR7 “Lojtari i Shekullit”.
“Ne jemi shumë të lumtur për Robert Leëandoëski. Në vitin 2020 ai praktikisht bëri që të fitonim pesë trofe, përfshirë edhe më të rëndësishmin në botë, Ligën e Kampioneve. Roberti është i jashtëzakonshëm. Në Lisbonë, pas triumfit në finale, ai po qante sepse kishte përmbushur ëndrrën e tij.
Sa i takon çmimit si lojtari më i mirë i shekullit, Cristiano Ronaldo e meritoi sepse ka regjistruar paraqitjet të jashtëzakonshme në dhjetë vite rresh dhe po bën gjithashtu mirë edhe me Juventusin tani”, është shprehur Rummenigge.
