Një person ka mundur të largohet nga mjediset e komisariatit nr 1 në Tiranë, atje ku mbahej i shoqëruar nga momenti i ndalimit nga policia.
Sipas raportimeve, i arratisuri nga mjediset e komisariatit është shtetasi Rigers Lala.
Ky i fundit ishte arrestuar për armëmbajtje pa leje.
Lala u arrestua dy ditë më parë në zonën e Ali Demit në Tiranë, pas sinjalizimeve se qarkullonte me një armë zjarri.
30-vjeçari tentoi ti shpëtonte policisë duke u larguar me vrap, ndërsa hodhi armën e zjarrit në rrugë. Sot pritej që ai të dilte para gjykatës për t´u njohur me masën e sigurisë.
