Komisioneri Johanes Hahn duke raportuar në Komisionin e Jashtë të PE-së, ka thënë se Shqipërisë do i vendosen 3 kushte për të hapur negociatat për rrugën e anëtarësimit në BE.
“Komisioni i jep një rekomandim të kushtëzuar përsa i përket hapjes së negociatave me Shqipërinë. Ky është subjekt i një progresi të prekshëm, përsa përket procesit të Reformë në Drejtësi, vlerësimit të gjyqtarëve dhe vettingut të prokurorëve”, u shpreh Hahn
“Shqipëria ka vijuar të bëje progres të qëndrueshëm ne plotësimin e pese prioriteteve kyçe për çeljen e negociatave me Bashkimin Europian. Ndryshime thelbësore ne Kushtetutën e Shqipërisë u aprovuan unanimisht ne Korrik te 2016, duke nisur një proces reformues tërësor dhe gjithëpërfshirës te sistemit te Drejtësisë. Ky proces do te përfshije një rivlerësim te thelle te gjyqtareve dhe prokuroreve. Reforma ne administratën publike vijoi te implementohet ne mënyrë te konsistente. Puna drejt krijimit te “track records” te qëndrueshme për hetimet pro-aktive, ndjekjet penale, dhe dënimet ne lidhje me luftën kundër korrupsionit dhe krimit te organizuar ka vijuar. Te drejtat themelore te njeriut vazhdojnë te respektohen gjerësisht ne vend.
Duke pare progresin e larte përmendur ne kuadër te plotësimit te pese prioriteteve kyçe dhe ne vartësi te hapave te prekshëm ne implementimin e reformës ne drejtësi, veçanërisht ne procesin e ri-vlerësimit te gjyqtareve dhe prokuroreve (vettingu), Komisioni rekomandon çeljen e bisedimeve për anëtarësim me Shqipërinë”, ka thënë Hahn.
