Policia e Tiranës arrestoi pas 2 orësh 59-vjeçarin e akuzuar për vrasjen e dy motrave në Tiranë.
Si rezultat i rrethimit të zonës, pikave të kontrollit dhe trysnisë së ushtruar nga shërbimet e Policisë u bë e mundur vënia në pranga e autorit Përparim Ademi, shprehen burime zyrtare.
Ky shtetas aktualisht ndodhet në ambientet e Drejtorisë Vendore të Policisë Tiranë, për veprime të mëtejshme hetimore.
Autori, Përparim Ademi, i cili më parë mbante mbiemrin Tela, ka qëlluar me armë automatike ndaj dy motrave, ndërsa krimi ka ndodhur pasi bashkëjetuesja, i ka kërkuar të mos vazhdojë më lidhjen.
Krimi ka ndodhur në sytë e dy fëmijëve të mitur të motrës, të cilët më pas kanë njoftuar policinë.
