Avokati, Ledio Braho, i cili aktualisht mban pozicionin e Anëtarit në Këshillin e Ankesave në KQZ, e ka cilësuar objektivisht të pamundur votimin e emigrantëve në 25 prill.
Në një intervistë për Report TV, Braho ka theksuar se pvarësisht se KQZ ka ngritur një komision pune dhe ka krijuar hapësiara në e-albania ku qytetarët shqiptarë rezidentë në vendet e huaja mund të bëjnë dekalrimin e vendbanimit, sërish vota e tyre nuk do të mund të bëhet realitet në zgjedhet e ardhshme.
“Vota e emigrantëve është dëshirë e të gjithëve, problemi s’është i KQZ por një problematikë që mbartet ndër vite. Ligji që bën regjistrimin e shtetasve shqiptarë jahstë është i 2016. Para dy muajsh ka dalë një vendim i Këshillit të Ministrave që shfuqizon të vjetrin. Procedura e regjistrimit përveç aplikimit në e albania ka dhe të tjera procedura.Në momentin që nuk ka një regjistër është e pamundur për komisionin rregullator. Objektivisht e pamundur vota e emigrantëve në zgjedhjet e 25 prillit. Sepse nuk ka një regjistër për të treguar se kush është regjistruar ku. Sepse vota hidhet aty ku je regjistruar dhe jo ku banon“, tha Braho.
Ndërkohë Baho ka komentuar edhe Kodin e ri elektoral. Ai theksoi se me këtë kod, procesi i nxjerrjes së rezultatit të zgjedhjeve do të jetë më i ngadaltë, pasi qytetarët pasi ndryshe nga zgjedhjet e kalauara këtë herë qytetarët përvecc subjektit do të votojnë dhe për kandidatin.
“Në dijeninë time ka një hetim administrativ lidhur me këtë cështje se çfarë ka ndodhur dhe përse janë ndryshuar vendbanimet. 20% i votimit elektronik patjetër që rezultati del shumë shpejt, ndërsa për pjesën tjetër procesi është më i ngadaltë pasi shqiptarët s’do zgjedhin vetëm partinë por edhe kandidatin. Njëkohësisht me numërimin e votave për subjektet do numërohen edhe votat për secilin kandidat. Do ishte më e thjeshtë nëse do numëroheshin si fillim votat për partinë dhe më pas për kandidatin. Nëse do bëhet procesi miks, atëherë do të zgjasë më tepër për të kuptuar se kush është fituesi“, deklaroi Braho.
