Vaksinimi në Spanjë, që ka filluar dje, do të jetë vullnetar, por Ministri i Shëndetësisë tha se do të regjistrohen të gjithë ata që do të refuzojnë të marrin injeksionin.
Ata që nuk do të duan të marrin vaksinën nuk do të mbeten anonim në Spanjë, ku do të regjistrohen edhe arsyet se pse e refuzuan vaksinimin.
Ministri i Shëndetësisë, Salvador Illa ka siguruar publikun spanjoll se vaksina është efektive edhe ndaj llojit të ri të Covid, për të cilin “nuk ka prova” në Spanjë.
Ky informacion do të përfshihet në një regjistër vaksinash. Ky informacion i ri u shfaq në një raport mbi Strategjinë e Vaksinimit kundër Covid, i cili u lëshua nga Ministria e Shëndetësisë në Spanjë ditën e sotme.
Dokumenti thotë: “Pa paragjykim, detyra e bashkëpunimit bie mbi individët për t’u vaksinuar kundër COVID-19 dhe do të jetë vullnetar”. Përkundër kësaj, ajo shton se “është konsideruar e rëndësishme të regjistrohen rastet e refuzimit të vaksinimit në regjistrin e vaksinimit, në mënyrë që të kuptohen arsyet e mundshme për këtë në grupe të ndryshme të popullsisë”.
