Një grup të rinjsh në qytetin siberian të Tomsk mezi po prisnin për verën dhe organizuan një mbrëmje me rroba banje në natyrë në dhjetor në minus 39 Celsius, duke habitur dhe kalimtarët e tjerë rusë.
Në videon e festës mbi akull, e cila u postua në Instagram, u panë më shumë se një duzinë njerëz me bikini dhe pantallona të shkurtra duke kërcyer në një shesh qendror të mbuluar me dëborë, përpara një peme të Vitit të Ri të zbukuruar.
Avulli që dilte nga goja e personave që po argëtoheshin bënte të dukshëm faktin që jashtë ishte shumë ftohtë. Temperatura në Tomsk në kohën e xhirimit në të vërtetë ra në minus 39 Celsius, sipas një telefoni të paraqitur në pamje.
Festa ishte organizuar për ditëlindjen e një prej pjesëmarrësve, i cili kishte pritur qëllimisht një ditë veçanërisht të ftohtë për të bërë klipin.
“Moti bëri të vetën dhe na dha një minus rekord [temperature] për idenë time,” shkroi ai në rrjetet sociale.
Siberia parashikon të ftohtë të acartë gjatë Vitit të Ri, me temperaturat që parashikohet të arrijnë ngrirjen -50.
Është e paqartë nëse ndonjë nga pjesëmarrësit në video, e cila përfundoi me parullën “Mbaje, o njerëz, vera është afër cepit”, kërkoi kujdes mjekësor pas xhirimit. Por, ‘performanca’ e tyre u bëri përshtypje shikuesve, ndërsa një komentues e përshkroi atë si “të nxehtë dhe të ftohtë, në të njëjtën kohë”.
Një tjetër shkruajti se njerëzit në video ishin “thjesht të çmendur”, ndërsa disa pendoheshin që nuk ishin ftuar.
Vendasit e Tomsk gjithashtu konfirmuan se klipi nuk ishte mashtrim dhe se ishte regjistruar në një ditë absolutisht të akullt.
