Dikush të gjejë shtetin ku është…Shqipëria është gdhirë e gjunjëzuar nga reshjet. Asnjë qytet nuk i ka shpëtuar reshjeve dhe qytetarët është dashur të ecin mes ujit për të mbërritur në punët e tyre. Duke nisur nga kryeqyteti, Tirana e cila është kthyer në Venecia por pa bukurinë e ndërtesave antike dhe me ujëra të zeza e të bardha bashkë.
Autostrada drejt Durrësit e bllokuar. Në disa prej segmenteve ka mbi 1 metër ujë dhe madje për të nxjerrë makinat e mbetura është dashur ndërhyrja e zjarrfikëseve. Në Fushë-Krujë lumi Zezë ka dalë nga shtrati dhe ka marrë para cfarë ka gjetur, banesa e toka bujqësore.
Në Lezhë, lagjja 11 janari lundron në ujë, është pezulluar mësimi në shkollën Kosova. Në Vlorë dallgët kanët shtyrë tragetin në bankinë dhe është dëmtuar kalata. Pezullohet lundrimi.
Të gjitha rrugët e vendit të pakalueshme dhe me rrezikshmëri të lartë. Në videon e mëposhtme nga Tirana në “Misto Mame”, vendi duke i mbuluar nga uji.
