Reshjet e shiut kanë nisur me intensitet të lartë, ndërsa raportohen se Tirana, Lezha, Durrësi dhe Fushë Kruja janë përmbytur.
Buletinet e instituteve meteorologjikë njoftojnë se përkeqësimi i motit do të shoqërohet fillimisht me reshje me intensitet mesatar, që do të vijnë duke u shtuar.
Përveç përmbytjeve, reshjet mund të shkaktojnë edhe rrëshqitje të tokës në zona të caktuara.
Situata pritet të përkeqësohet në datën 8 nëntor, sidomos në njësitë administrative të qarqeve Shkodër, Kukës, Dibër, Lezhë, Tiranë, Durrës, Elbasan, Fier, Vlorë dhe Gjirokastër.
Sipas parashikimeve të Instituteve Meteorologjike, pritet të ketë fryrje të lumenjve që rrezikojnë të dalin nga shtretërit e tyre.
