Në Itali mbërritën 9 750 mijë dozat e para të vaksinës kundër Covid-19. Flakonët që i përkasin Pfizer-Biontech ishin nisur nga Belgjika dhe destinacion kanë spitalin Spallanzani të Romës të shoqëruar nga mjetet e karabinierëve.
Duke nisur nga e shtuna, vaksinat do të shpërndahen në 21 qendra të ndryshme spitalore, nga një për çdo krahinë të Italisë.
Vaksinat kanë udhëtuar me rrugë tokësore pasi duhet të qëndronin në një temperaturë minus 70 gradë.
Kompanitë prodhuese të Kasinës do të ndjekin udhëtimin e dërgesave nëpërmjet sistemit të pozicionimit global, që do të informojë edhe temperaturën. Një vëmendje e veçantë do t’i kushtohet edhe destinacionit të çdo ngarkese.
Nën temperaturën -70 gradë vaksinat mund të rezistojnë deri në 35 ditë. Në kushte frigoriferike, nga 2 deri në 8 gradë rezistenca ulet në 5 ditë. Pasi të vendosen në këto temperatura, flakonet nuk duhet të kthehen në -70 gradë.
Procesi i vaksinimit të popullatës do të nisë nga 27 Dhjetori, që është edhe dita e përcaktuar në të gjitha vendet e Bashkimit Europian. Një fushatë vaksinimi më e gjerë do të nisë në fund të Janarit.
