Arrestohet Josif Kavaja, 45-vjeçari nga fshati Seltë i Elbasanit, që qëlloi me armë mbi Policinë dhe u arratis në pyje ditën e djeshme.
45-vjeçari terrorizoi ditën e djeshme banorët e fshatit Zavalinë në Elbasan dhe familjarët e tij, pasi qëlloi me armë zjarri në ajër. Ishte familja e Kavajës ajo e cila telefonoi policinë duke kërkuar ndihmë pasi nuk mundte dot që të ndalte 45-vjeçarin.
Policia mbërriti në banesën e 45-vjeçarit, që njihet si person me probleme të shëndetit mendor mirëpo ky i fundit ka qëlluar me armë zjarri ndaj tyre.
Këtë mëngjes, ai u neutralizua nga policia.
“Policia Vendore e Elbasanit rrethoi zonën në një perimetër të gjerë dhe në ndihmë të Policisë Vendore shkuan forcat speciale Renea. Grupi negociator i Renas ka bërë thirrje për disa orë rresht shtetasit J.K., për t’u dorëzuar, por ky shtetas nuk i është bindur thirjeve të Policisë. Shtetasi J.K, në orët e para të mëngjesit ka qëlluar me armë në drejtim të forcave Renea dhe gjatë shkëmbimit të zjarrit ky shtetas ka mbetur i plagosur jashtë rrezikut për jetën. Në vendngjarje janë gjetur një armë zjarri pushkë dhe një sopat. Grupi hetimor nën drejtimin e Prokurorisë së Rrethit Gjyqësor Elbasan , vijon punën për dokumentimin e plotë të ngjarjes“, njoftoi policia.
