Federata Shqiptare e Futbollit u ka bërë thirrje tifozëve shqiptarë të mos krijojnë trazira në takimin Shqipëri -Izrael pasi rrezikon penalitete edhe më të rënda se ajo e 100 mijë frangave zvicerane që është e detyruar ti paguaj FIFA-s.
Vetëm gjatë këtyre kualifikuesve kjo sjelle e tifozëve u ka kushtuar shumë federatës, shuma kolosale që mund të viheshin në funksion për qëllime të tjera.
Në një intervistë për ‘News24’, Sekretari i Përgjithshëm i FSHF¬ës Ilir Shulku, thekson së nuk do të këtë asnjë tolerim për tifozët problematik por do të arrestohen në vend. Interesimi i për sfidën kundër Izraelit pritet të jetë i madh nga ana e tifozëve të kombëtares. Kuqezinjtë luajnë një sfidë për të cilën 3 pikët janë opsioni i vetëm që kënaq. “Duke marrë shkas nga këto fenomene, kemi filluar kontakte me grupet e tifozerive, ku i kemi kërkuar që ata të jenë të kujdesshëm në hedhjen e parrudhave dhe flakadanëve, fishekzjarrëve.
Mendoj se kemi arritur në një gjuhë të përbashkët, ku dhe ato na kanë mirëkuptuar. Ne nuk kemi një federatë e pasur, pasi këto lekë që në penalizohemi për gjeste antisportive mund të ishin të ardhura që mund të përdoreshin për të ndërtuar fusha apo zhvillimin e futbollit.”, tha sekretari i FSHF¬së. Burime nga ‘News24’, tifozë të ndryshëm, mund të shfaqin në shkallët e ‘Loro Boriçit’ parulla apo banderola pro Palestinës. Një situatë e cila është parë edhe në stadiumet e Europës. Sa do ndikonte kjo për Federatën Shqiptare të Futbollit me banderola politike dhe cili është mesazhi juaj si sekretar i Përgjithshëm i FSHF¬ës për t’i shmangu një situatë që mund ta dënojë shumë FSHF¬në? Shulku: Nëse do të ketë tifozë të tillë që do të mundohen të shpalosin banderola të tilla politike në stadiume, pa diskutim që do të jetë një gjë shumë e dëmshme për kombëtaren shqiptare, pasi UEFA dhe FIFA i dënojnë këto gjeste. Por i bëj thirrje dhe një apel që mos të guxoj asnjë që të bëjë gjeste të tilla, pasi do të ketë monitorim të rreptë dhe nëse ata guxojnë që të bëjnë këto gjëra, do të kenë masa të rrepta penale. E them me bindje që njerëz të tillë do të arrestohen në moment, Nëse do të kenë raste të tilla do të ketë masa shumë t forta, jo sportive, por masa penale.
