Duka dhe Dukesha e Sussex kanë publikuar kartolinën e tyre familjare të Krishtlindjes. Princi Harry dhe Meghan Markle kanë realizuar një kartolinë të veçantë, ku sigurisht me to ndodhet edhe djali i tyre 18-muajsh, Archie dhe qenushët.
Ndryshe nga vitet e tjera, këtë vit ata do t’i festojnë Krishtlindjet në Shtetet e Bashkuara të Amerikës.
Harry dhe Meghan e kanë ndarë në llogarinë e “Instagram-it” të organizatës së bamirësisë Mayhew, e cila është jo si foto, por si një punim artistik, ku ata pozojnë në kopështin e shtëpisë së tyre në Kaliforni.
Në kartolinën ku familja dukej e lumtur, shkruhej: “Ju urojmë Krishtlindje dhe Vit të Ri të gëzuar”.
