Afrika e Jugut po vuan nga një valë e dytë e fuqishme e Covid-19 të shkaktuar nga një variant i ri i virusit, i ngjashëm me variantin britanik, i cili dyshohet të jetë më ngjitës, ndërsa po nxit një infeksion në mesin e të rinjve.
Rastet në Afrikën e Jugut janë rritur nga më pak se 3,000 në ditë në fillim të Dhjetorit në më shumë se 9,500 në ditë që nga e Marta, nxitur nga një variant i quajtur 501.V2 i cili tani është zbuluar edhe në Britani.
Afrika e Jugut aktualisht ka më shumë se 8,500 njerëz të shtruar në spital me Covid-19.
Britania, Gjermania, Zvicra, Turqia dhe Izraeli kanë ndaluar fluturimet nga Afrika e Jugut në një përpjekje për të ndaluar përhapjen e sëmundjes e cila mendohet se po prek të rinjtë më shumë sesa variantet e tjera.
Varianti i Afrikës së Jugut ‘duket më i transmetueshëm’ dhe deri në 90 për qind e rasteve të saj të reja të Covid janë lloji 501.V2.
Mjekët kanë vërejtur se pacientët janë më të rinj dhe jo gjithmonë kanë kushte të tjera që amplifikojnë efektin e virusit, por sidoqoftë vuajnë nga forma më të rënda të Covid-19.
Ministri i Shëndetësisë i Afrikës së Jugut Zëeli Mkhize tha se lloji i ri u përhap më shpejt, por se ishte shumë herët për të treguar ashpërsinë e tij dhe nëse vaksinat aktuale do të funksiononin kundër tij.
