Raportet me trajnerin Daja janë në një pikë të ulët dhe për pasojë largimi i Cordeiros nga Partizani duket i pashmangshëm.
Palët kanë shfaqur haptazi pakënaqësitë ndaj njëri-tjetrit, teksa gjithçka nisi me deklaratat e Dajës pas ndeshjes ndaj Bylisit.
“Sa për Cordeiron, po ju them një fakt. Nëse ne kemi një humbje me Kastriotin, një humbje me Vllazninë, një penallti me Teutën, janë të 3 ndeshje ku Cordeiro futet 20-25 minuta dhe në vend që të ruajmë balancat, ne ç’rreshtohemi.
Askush nuk e ka vendin të sigurt në formacion. Më mirë të luajë një lojtar i ri, se sa një lojtar që ndoshta ka emrin dhe në fushë nuk jep asgjë “. Kjo ishte deklarata e trajnerit të të kuqve që sigurisht pati edhe replikën e brazilianit.
“Ishte bukur për aq sa zgjati, për mua është mjaftueshëm”, shkroi Cordeiro. Dhe duket se kjo deklaratë e tij është materializuar. Aktulialisht Partizani po luan ndaj Kastriotit ndërsa në formacionet e publikuara para sfidës vihet re se braziliani nuk figuron as në stolin e rezervave.
Një shenjë e qartë se divorci mes palëve mund të jetë pranë.
