Familjarët e Ergys Faslisë, të arrestuarit për terrorizëm janë shprehur të shokuar për lajmin e arrestimit të tij.
E ëma e Ergysit, Jetmira Faslia ka deklaruar se djali i saj nuk ka pasur lidhje dhe as nuk ka folur ndonjëherë për ISIS.
Ajo rrëfen se djali i saj ka punuar berber, pasi edhe pse është me dy shkolla nuk ka patur mundësi për punë tjetër.
“Djali im nuk ka pasur lidhje dhe as nuk ka folur për ISIS. Kur ka ardhur policia për ta marrë ai ka qenë në shtëpi në gjumë me gruan dhe fëmijët. Ka qenë ora 10 e darkës. Ai nuk ka asnjë lidhje. Ka shkuar në punë dhe në xhami. Djali ka dy shkolla të larta, biokimi dhe infermieri. Ka punuar berber sepse nuk kemi mundur të gjejmë vende pune. Nuk kemi të ardhura. E ka ndihmuar babai dhe vjehrra për të paguar qeranë”, ka thënë Jetimira Faslia për mediat.
