Dele Alli është shndërruar në një lojtar stoli dhe Ndombele nuk ka treguar atë, që pritet prej tij dhe çka Mourinho ka nevojë për ta mbajtur Tottenham në krye të renditjes së Premier League.
Një mesfushor qendre do të tentohet në janar dhe portugezi ia ka vënë syrin dikujt. Sipas Daily Mail, Marcel Sabitzer është lojtari i zgjedhur nga Mourinho për të plotësuar skuadrën e tij në janar.
26-vjeçari ka shkëlqyer me Leipzig dhe strategu i njohur është “dashuruar” me të, aq sa ka bërë gati 50 milionë euro për të bindur gjermanët në janar. Është një operacion i mundshëm sepse kontrata e Sabitzer përfundon në verën e vitit 2022.
Vlera e tij do të ulej ndjeshëm në verë dhe Leipzig nuk e dëshiron këtë, duke parë edhe strategjinë e tyre si klub, që rrisin çdo vit talente dhe i shesin me çmime të volitshme. Nuk do ishte aspak surprizë ta shihnim Sabitzer te Tottenham në janar.
