Agjencia Evropiane e Barnave (AEB) i ka dhënë dritën jeshile vaksinës anti-Covid të Pfizer-BioNTech. “Për momentin nuk ka indikacione se vaksina nuk do të funksionojë kundër variacioneve të Covid”, tha Emer Cooke, drejtori ekzekutiv i (EMA).
“Ky është një moment përcaktues në përpjekjet tona për të siguruar vaksina të sigurta dhe efektive për Evropianët! AEB sapo ka lëshuar një opinion shkencor pozitiv mbi vaksinën Pfizer-BioNTech. Tani ne do të veprojmë shpejt”, shkroi në Twitter presidentja e Komisionit Evropian Ursula von der Leyen.
Në një intervistë për “DW” publikuar këtë të Hënë, Ekspertja Silvia Bino nga Instituti i Shëndetit Publik tha se në vendin tonë, vaksinimi pritet të nisë në 3 mujorin e parë 2021.
Më herët, vaksinën e Pfizer-BioNTech e kanë miratuar dhe vende si SHBA, Britania, Kandaja, etj. Në SHBA, është miratuar po ashtu përdorimi i vaksinës së prodhuar nga kompania “Moderna”.
