Bashkimi Evropian ka rënë dakort që të paguajë 15.5 euro për dozë për vaksinën e Pfizer- BioNTech kundër koronavirusit.
Çmimi u negociua për një total prej 300 milionë doza. Ky çmim është pak më i ulët se 19.50 dollarë për dozë që Shtetet e Bashkuara ranë dakort të paguanin për dërgesën e parë prej 100 milionë doza, raporton Reuters.
Rregullatori i ilaçeve i BE-së, të hënën pritet të vendosë për miratimin e vaksinës Pfizer, ku autorizimi është lëshuar për disa vende.
Të enjten, sekretarja e shtetit belg për buxhetin, Eva De Bleeker, publikoi në Twitter një listë me çmimet që Belgjika do të paguante kompanitë farmaceutike për vaksinat e tyre të koronavirusit, ku thuhej se Belgjikës i kushtonte 12 euro për dozë, por ajo më pas e tërhoqi postimin e publikuar.
