Drejtues të institucioneve, në nivel qëndror e lokal, anashkalojnë nevojat më akute të qytetarëve duke i kanalizuar paratë në tendera që zor se i shërbëjnë nevojës publike.
I tillë duket rasti i një procedure prokurimi në Elbasan. Agjencia e Shërbimeve Publike në Elbasan, institucion nën varësi të bashkisë, ka shpallur çeljen e aplikimit në tenderin me objekt “Blerje ushqim për qentë e rrugës”.
Sipas dokumenteve publike, agjencia kërkon të blejë 4 800 thasë ushqim për qenë, në paketime me peshë 20 kg secili. Afati i skadences së ushqimeve të jetë 1 vit nga data e lidhjes kontrates dhe kompania fituese të jetë në gjendje të lëvrojë mallrat brenda dy ditësh, përcaktohet po ashtu në specifikimet e dokumentave zyrtare të tenderit.
Kompanitë fituese duhet të paraqesin ofertat deri më 23 Dhjetor.
Nuk dihet – të paktën deri më tani nuk ka të dhëna – nëse pushteti vendor në Elbasan ka vendour të shpërndajë ushqim për familjet në nevojë, në një kohë kur kriza ekonomike është thelluar për shkak të ndikimit të koronavirusit. Ndoshta për Gledian Llatjen e Elbasanit ata nuk janë prioritet. Ndoshta për të është më i rëndësishëm ushqimi për qentë e rrgugës.
Apo ndoshta shpirti fisnik i “Rilidnasit të Elbasanit“ është aq i madh sa përkujdesja për kafshët, si i pari i qytetit, duhet të shpaloset e të bëhet shembull për qytetarët e tjerë. Nëse është kështu, “Bravo mon gars”, do ta përgëzonte Brizhid Bardo – diva që ka luftuar gjithmonë për kauzën e animalistëve, nëse do të mësonte për gjestin e të parit të Elbasanit.
/BoldNews.al/
