Lirim Islamaj, 28 vjeç, lindur dhe banues në Durrës, është ekstraduar nga Italia drejt vendit tonë, pasi arrestimit në vendin fqinj.
Islamaj ishte shpallur person në kërkim ndërkombëtar, pasi Gjykata e Shkallës së Parë Durrës, në vitin 2018, e ka dënuar këtë shtetas me 4 vjet burg për veprën penale “Mashtrimi”.
Në nëntor 2015, shtetasi Lirim Islamaj i ka marrë automjetin (një Benz tip ML) kunatit, banues në Fier, për ta rregulluar në një servis automjetesh në Durrës dhe nuk ia ka kthyer më.
I dëmtuari, më datë 11.01.2016, ka bërë kallëzim penal në Komisariatin e Policisë Durrës, për vjedhje të automjetit me anë të mashtrimit.
