Canelo Alvarez shpallet kampion bote në peshën “super-middleweight”, pasi mundi me pikë të pamposhturin Callum Smith pas 12 raundeve. Dominim i meksikanit dhe në fund të tre gjyqtarët unanimisht vendosën në favor të tij me rezultatet 119-109, 119-109 dhe 117-111.
Canelo, pas duelit, tha për DAZN: “Smith është një luftëtar i zoti, por ju e patë që bëra një ndeshje të shkëlqyeshme. Jam më i miri në botë dhe e tregova atë që mund të bëj. Dua të gjithë rripat dhe nuk më intereson se kush është përballë”.
“Gennady Golovkin? Nuk i iki askujt. Luftoj kundër më të mirëve. Nëse ai do të ndeshet me mua, do e pranoj sfidën. Unë luftoj kundër më të mirëve. Ndihem më i pjekur shumë mirë tani”, shtoi Canelo i pyetur për një përballje të mundshme me kampionin nga Kazakistani.
Dueli mes meksikanit dhe Smith regjistroi edhe një “truk” spektakolar. Canelo bëri një goditje false, si pasime e Ronaldinho në futboll pa parë nga e çonte topin. Boksieri bëri një gjuajtje të rreme dhe Smith reagoi, por më pas mori një grusht nga poshtë, këtë herë atë të vërtetin. /abcnews.al
https://twitter.com/BleacherReport/status/1340529031867891712?ref_src=twsrc%5Etfw%7Ctwcamp%5Etweetembed%7Ctwterm%5E1340529031867891712%7Ctwgr%5E%7Ctwcon%5Es1_&ref_url=https%3A%2F%2Fabcnews.al%2Fvideo-goditja-alla-ronaldinho-e-canelo-alvarez-behet-hit-ne-internet%2F
