Muajt e dimrit regjistrojnë tradicionalisht një intensifikim të problemeve mendore, me njerëzit që vuajnë nga çrregullimet emocionale sezonale, një formë depresioni që në SHBA prek 5 për qind të të rriturve.
Shefi i Zyrës Evropiane të Organizatës Botërore të Shëndetësisë paralajmëroi të premten se pret të shohë një rritje të personave që do të kenë probleme shëndetësore mendore në muajt e ardhshëm, kur të verifikohet edhe një intensifikim i pandemisë së COVID-19 në sezonin e dimrit.
Doktor Hans Kluge përsëriti në një deklaratë se pandemia globale ka çuar në një rritje të krizave mendore tek banorët e kontinentit të vjetër dhe impakti i saj ka gjasa të jetë afatgjatë.
Në një studim të kryer në 25 vende të zhvilluara gjatë valës së parë të pandemisë dhe i publikuar nga së fundmi nga Komisioni Evropian, 28 për qind e të anketuarve raportuan se kishin ndjerë depresion ose ankth.
