Shifrat e pandemisë italiane mbeten të larta por të qëndrueshme, më pak diferenca nga 24 orët e fundit.
Sot autoritetet deklaruan 17992 të infektuar të rinj, dhe 674 viktima, ndërkohë që dje flitej për 683 të tillë. Rreth 10% i 179800 tamponëve të bërë ditën e sotme ka rezultuar pozitiv.
Sërish Veneto mbetet rajoni dukshëm më i goditur në ditët e fundit, me 4211 të infektuar, më tej vijnë Lombardia (2744) dhe Emilja Romanja (1745).
Ndërkohë, pas shumë debatesh, duket se brenda qeverisë është miratuar linja e rreptësisë për sa i përket masave për fundvitin. Italia do të përjetojë një karantinë totale për 10 ditë.
Kufizime do te ketë edhe në numrin e personave që mund të ftohen në shtëpi për festat, jo më shumë se 2 të rritur, ndërkohë që nuk do të ketë kufizim për fëmijët nën 14 vjeç.
