Mbrëmjen e djeshme u ndanë çmimet e FIFA-s për sezonin futbollistik 2019-2020. Çmimi më i rëndësishëm, ai i futbollistit të vitit i shkoi Robert Lewandowskit, i cili përjetoi një sezon fantastik me skuadrën e tij, Bayern Munich.
Tjetër çmim që u dha mbrëmë ishte dhe ai i Fair Play. Duket e paksa e habitshme, por këtë çmim e fitoi një 17-vjeçar italian. Bëhet fjalë për Mattia Agnese, i cili është bërë protagonist në muajin janar.
Mbrojtësi që luan për Ospedalettin, një klub joprofesionist në rajonin e Ligurias, i shpëtoi jetën një prej kundërshtarëve të tij gjatë një ndeshjeje. Italianit iu dha çmimi në distancë duke respektuar rregullat e Covid-19 nga legjenda e Milanit, Ruud Gullit, i cili e cilësoi atë si heroin e të gjithëve.
“Unë pashë se ai nuk po merrte frymë dhe menjëherë e vendosa në një pozicion të sigurt, teksa nxora gjuhën e tij për ta parandaluar atë nga mbytja. Më pas erdhi dhe ndihma e shpejtë dhe gjithçka shkoi mirë”, kujton Agneses.
