Vetem 3 ditë nga zgjedhja e presidentit të ri amerikan. Ky kandidatët janë kokë më kokë sipas sondazheve. Hillary Clinton, duke folur ditën e sotme në Florida gjatë një tubimi, është detyruar të ndërpresë aktivitetin për shkak të një shiu të rrëmbyeshëm.
Kandidatja demokrate për Presidente po i drejtohej turmës në Pembroke Pines, kur stuhia nisi gjatë fjalës së saj. Megjithatë, Clinton vazhdoi të fliste edhe për disa minuta, pavarësisht reshjeve të dendura.
“Nuk mendoj se është e nevojshme t’iu tregoj të gjitha gjërat e gabuara për Donald Trump, por ajo që dua të mbani mend është që unë dua të jem Presidente për të gjithë”, iu drejtua Hillary Clinton të pranishmëve, duke buzëqeshur në mes të stuhisë.
Kjo është fundjava e fundit e fushatës presidenciale në SHBA para votimeve më 8 nëntor. Donald Trump ka zvogëluar ndjeshëm distancën e me Clinton, sipas sondazheve të mediave amerikane.
Just as her speech in Florida was getting started, @HillaryClinton got interrupted by a torrential downpour. pic.twitter.com/ipVODIzqgQ
— Fox News (@FoxNews) November 5, 2016
