Tillie Dybing nga Minnesota, në moshën 107-vjeçare ka fituar betejën kundër Covid-19 nga i cili ishte prekur që nga vjeshta, kanë bërë të ditur zyrtarë të shtëpisë së të moshuarve ku ajo jeton që nga vitit 2015, raporton CNN.
Kjo nuk është pandemia e parë të cilës Tillie i ka mbijetuar. E lindur në vitin 1913, ajo ishte vetëm 5-vjeç kur pandemia e gripit spanjoll në vitin 1918 preku familjen e saj në një fermë në Dakotën e Veriut.
Gjatë jetës, Dybing ka përjetuar shumë humbje, përfshirë vdekjen e motrave dhe vëllezërve në vegjëli si dhe të bashkëshortit në moshën 80-vjeçare.
Ajo gjithashtu ka fitoi betejën edhe ndaj kancerit në mitër në moshën 95-vjeçare.
Simptoma e vetme e Covid-19 që i ishte shfaqur ishte lodhja.
“Asgjë në mushkëri. I thanë se nuk ka temperaturë, thjesht flinte gjithë kohën”, ka thënë vajza e saj Susane Burk.
