Një gjobë prej 90,000 euro u kërkua prej kryebashkiakes së Parisit, Anne Hidalgo nga ministrja e Shërbimit Publik të Francës, për shkak të numrit të lartë të grave të punësuara në administratë. Gjoba erdhi si rezultat i stafit të saj me 11 gra dhe vetëm 5 burra në pozicione drejtuese në 2018.
Hidalgo deklaroi se marrja e një gjobe për këtë motiv është tepër absurd, e padrejtë dhe e papërgjegjshme. “Unë jam e lumtur të njoftoj se jemi gjobitur”, ironizoi Hidalgo gjatë një takimi të këshillit të qytetit.
“Menaxhimi i bashkisë së qytetit, krejt papritur, është bërë tepër feminist,” tha Hidalgo duke qeshur. Ajo shtoi se gjoba i solli gëzim.
Rregulli i vitit 2013 nënkuptonte që jo më shumë se 60% e emërimeve të reja në pozitat menaxheriale në shërbimin publik duhet të shkonin për vetëm një gjini. Nga Hidalgo rezultoi se 69% e pozicioneve të punës ishte në dorë të femrave.
Ministrja e Shërbimit Publik të Francës, Amélie de Montchalin u përgjigj në Twitter, duke theksuar se ligji ishte shfuqizuar në vitin 2019. Ajo e ftoi Hidalgon të diskutojë mbi promovimin e grave në shërbimin publik dhe tha se gjoba do të shkojë për veprime konkrete mbi këtë temë. /BBC
