Dy persona janë arrestuar nga policia e Durrësit lidhur me protestuat e zhvilluar në qytetin bregdetar, pas vrasjes së Klodian Rashës nga një efektiv policie.
Sh.M., 24 vjeç dhe A.B., 30 vjeç, u vunë në pranga, si dhe u proceduan penalisht A. V., 20 vjeç dhe F. D., 23 vjeç, banues në Durrës, për veprat penale “Organizimi dhe pjesëmarrja në grumbullime e manifestime të paligjshme” dhe “Përhapja e informatave të rreme që ngjallin panik”, bënë me dijee burime zyrtare nga policia.
Të njëjtat burime shtuan se, këta shtetas, edhe pse shërbimet e Policisë i kanë bërë të ditur që nuk lejohen tubimet dhe grumbullimet për shkak të situatës së krijuar nga pandemia, kanë vijuar të protestojnë.
