Vullkani më aktiv i Evropës ka shpërthyer për herë të parë këtë vit. Mali Etna, në ishullin italian të Siçilisë, ka qenë kryesisht i fjetur për dy vitet e fundit.
Etna, u zgjua mbrëmë, duke shkaktuar një “shi” hiri në Catania që ”nxiu” makina, ballkone, rrugë dhe trotuare. Faza paroksizmale e shpërthimit aktuale, shkaktoi një emision të dukshëm të hirit të imët. Një fenomen i cili u shua, njësoj si aktiviteti në krater i cili duket se po zvogëlohet.
Autoritetet nuk kanë raportuar asnjë rrezik për qytetet afër dhe nuk ka pasur asnjë përçarje në trafikun ajror. Megjithëse retë e hirit vullkanik mund të shkaktojnë ndërprerje të fluturimit, aeroporti afër Catania, Vincenzo Bellini, funksionoi normalisht të hënën.
Shpërthimi i saj i fundit i madh ishte në 1992. /Il Messaggero
