Amerika fillon sot vaksinimin e popullatës kundër koronavirusit dhe shembullin për këtë e japin vetë pjesëtaret e administratës Trump.
Do të jetë Shtëpia e Bardhë që do të vaksinohet e para, raporton revista “New York Times”, duke u bërë paravijë e një etape të re për virusin, por edhe për t’i ardhur në ndihmë presidentit duke mos u kthyer në një vatër të re infeksioni, pas disa pjesëtarëve që rezultuan të infektuar gjatë javëve të fundit.
Vaksina ndërkohë është shpërndarë në të katër anët e vendit me 3 milionë dozat e saj të para. Me këtë hap Amerika bëhet vendi i dytë në botë që aplikon vaksinën e Pfizer dhe Biontech pas Britanisë së Madhe.
Vaksina e Pfizer ofron deri në 95% mbrojtje ndaj koronavirusit të ri dhe është përcaktuar e sigurt nga Administrata Amerikane për Ushqimin dhe Ilaçet, FDA.
SHBA është vendi më i goditur nga pandemia në botë me rreth 16 milionë të infektuar dhe 219 mijë viktima dhe autoritetet synojnë të vaksinojnë rreth 100 milionë persona brenda muajit mars.
