Anthony Joshua ashtu siç pritej, arriti të fitojë me lehtësi ndeshjen e mbrëmshme ndaj bullgarit Kubrat Pulev dhe mbrojti titujt kampion bote në federatat WBA, WBO, IBF dhe IBO për peshat e rënda.
Anglezi e dominoi gjithë ndeshjen, por vetëm në raundin e shtatë Pulev u dorëzua dhe mbeti në gjunjë deri në fund të numërimit të gjyqtarit.
Pas ndeshjes Joshua foli për mediet e pranishme dhe qëllimet i kishte të qarta. Tyson Fury duhet të jetë ndeshja e radhës. Dyshja nuk janë përballur kurrë në ring dhe të gjithë e duan një betejë të tillë, duke marrë parasysh se të dy i kanë mundur të gjithë boksierët, që kanë pasur përballë.
“Në boks duhet të flasësh pak, veprimet vlejnë më shumë. Ajo që ndodhi në ditët e kaluara nuk kishte rëndësi, e rëndësishmja ishte sonte. Faleminderit gjithë ekipit tim!
Qëllimi ishte të provoja vlerën time në ring. Gjatë gjithë karrierës gjithmonë kam ndjekur brezat e kampionit. Nëse kundërshtari tjetër do të jetë Tyson Fury, unë jam këtu. Ne duhet ta bëjmë këtë.
Ishte ndeshja e parë në një vit, isha ndryshkur pak, por ia dola. Pulev ishte numri 1 për IBF, ai është një boksier shumë i mirë. Unë do të përballem me kë do të më vendosin përpara. Fury është një boksier i shkëlqyer, ai ka shumë tifozë.
Është edhe Deontay Wilder. Vitin e kaluar i mora titujt përsëri, sot i mbrojta këtu në Londër, ku kthehesha pas dy vitesh. Jam gati për çdo kundërshtar. Unë jam kampion bote ËBA, ËBO, IBF, IBO dhe ju uroj të gjithëve Gëzuar Krishtlindjet”, përfundoi Joshua.
