Shtimi drastik i akteve kriminale të kryera nga shqiptarët ka detyruar policinë hollandeze të krijojë njësi të veçanta, të specializuara për hetimin tyre.
Ekipi i parë është ngritur nga policia e Amsterdamit, por edhe autoritetet e Roterdamit po planifikojnë krijimin e një njësie të ngjashme. Lajmi u konfirmua për ABC NEËS nga një zyrtar i rëndësishëm i policisë federale holandeze, që kërkoi të mbetet anonim.
Njësia u krijua për shkak të rritjes drastike gjatë kohëve të fundit të veprave kriminale të kryera nga shtetasit shqiptarë në Amsterdam. Ekipi sekuestroi qindra kilogramë kokainë, miliona euro, armë automatike dhe ka vënë në pranga 60 shqiptarë brenda 8 muajve.
Burimi thekson se edhe policia e Roterdamit, qytetit të dytë më të madh në vend, po sheh mundësinë e krijimit të një njësie të veçantë për të goditur grupet kriminale shqiptare. Aktiviteti i grupeve kriminale shqiptare është kryesisht i përqëndruar në importin drogave të forta. Së fundmi janë shtuar rastet kur shqiptarët kontrollojnë trafikun e klandestinëve që duan të emigrojnë në Britaninë e Madhe/ Abc News
