Dy konkurentët e “Për’puthen 1”, Andueli dhe Geri, ishin të ftuar tek emisioni “Shqipëria Live” ku diskutuan në lidhje me fotografinë e publikuar nga konkurrenti i “Për’puthen”, Ajroni. Ky i fundit postoi në “Instastory” një foto ku shfaqej së bashku me Anën, e cila ishte në gjumë kur ai ka bërë foton.
Që të gjithë e dënuar gjestin e Arjonit, duke i vënë epitete nga më të ndryshmet. Ata thanë se duhet të përjashtohet vetëm ai dhe se Anës duhej që t’i jepej një mundësi tjetër.
Një ndër të ftuarit ishte Geri Bardhi, i cili tha se në fillim nuk e kishte besuar se ishte Ana, duke qenë se janë publikuar edhe më para foto të tilla.
Ndërkohë me batutë, Geri thotë në fund: “Më jepni numrin e Anës që ta telefonoj nëse jam i sëmurë”.
I ftuari tjetër ishte Anduel Dailani, i cili tha se dihet që në fillim rregulli kryesor i reality show-t.
“Dihet rregulli kryesor i “Për’puthen” që të mos takohemi për aq kohë jemi në emision. Duke qenë se është një foto e postuar nga ana e Arjonit, besoj të bëhet një tolerim për Anën dhe të përjashtohet Arjoni. Kjo gjë ka lënduar më shumë Anën. Është gjesti më i ulët, nga një person i dështuar”, tha ai.
