59 persona janë arrestuar dhe 116 protetues të tjerë janë proceduar penalisht lidhur me protestën e djeshme në Tiranë.
Akuzat që rëndojnë ndaj tyre janë: “Organizimi dhe pjesëmarrja ne grumbullime e manifestime të paligjshme”, “Kundërshtimi i punonjësit të policisë së rendit publik”, “Pengimi i qarkullimit të mjeteve të transportit”, “Prishja e qetësisë publike”, “Shkatërrimi i pronës me zjarr” dhe ”Mosbindja ndaj urdhrit të punonjësit të policisë së rendit publik” dhe ‘’Mbajtja dhe përdorimi i lëndëve plasëse dhe piroteknike’’.
Policia njoftoi se “vijon puna për identifikimin dhe kapjen e personave të tjetër të përfshirë në veprime të dhunshme ndaj Policisë, pronës shtetërore dhe asaj private, si dhe për identifikimin dhe kapjen e organizatorëve të cilët kanë bërë dhe bëjnë thirrje në rrjetet sociale për të marrë pjesë në tubime të paligjshme”.
Në Lezhë dhë në Korçë ka pasur po ashtu procedime nga policia pas protestave të ndodhura në këto qytete, Ndërkohë, në rrjetet sociale janë lajmëruar protesta edhe këtë pasdite.
Një nga kërkesat e protestuesve ka qenë dorëheqja e Ardiu Veliut, por kryeministri Edi Rama, në një postim në Twitter këtë të Premte, mohoi se Veliu do të dorëhiqet.
