Dinamo nuk gabon përballë Partizanit B duke fituar me rezultatin 1-2 në transfertë. Almeida Santos Ëelber shënoi dy herë për ekipin dinamovit, që siguroi fitoren e tretë radhazi në kampionat. Sulmuesi brazilian gjeti rrugën e rrjetës në minutat 26′ dhe 58′.
Bërdufi shkurtoi rezultatin për “Demat e Kuq” tre minuta përpara fundit të takimit. 13 pikë numëron Dinamo pas javës së pestë dhe ndodhet në rrugën e duhur për t’u kthyer në elitën e futbollit shqiptar, që është objektivi i klubit kryeqytetas.
Sot u luajt edhe sfida Elbasani-Flamurtari, e vlefshme për grupin B. Kuqezinjtë nga Vlora iu falën golit të Andi Ribajt në pjesën e parë për të fituar 0-1.
Sulmuesi i njohur ktheu në gol një penallti dhe i dhuroi suksesin miqve. Flamurtari renditet në vend të pestë me 7 pikë, katër më pak se Egnatia kryesuese.
Krizë totale për Elbasanin. Kjo ishte humbja e pestë në po kaq ndeshje dhe verdheblutë renditën në vend të fundit të grupit B.
