Protesta e të rinjve nga Ministria e Brendshme është zhvendosur në ambientet e Kryeministrisë.
Të rinjtë protestojnë pas vrasjes së Klodian Rashës nga një efektiv policie, duke kërkuar drejtësi.
Mësohet se forcat speciale RENEA janë nisur drejt vendngjarjes.
Reperi i njohur, Stresi, mësohet se është lënduar gjatë protestës e cila po zhvillohet përpara Ministrisë së Brendshme.
Gjithashtu mësohet se është lënduar një efektiv policie dhe një gazetar. Ky i fundit mësohet se është Andi Llabuti, nga JOQ.
Protestuesit, kërkojnë dorëheqjen e ministrit të Brendshëm Sandër Lleshaj.
Më herët, protestuesit kanë sulmuar ambientet e ministrisë së Brendshme me sende të forta.
