Zëvendëskryeministri i Qeverisë së Malit të Zi, Dritan Abazoviq, sot është takuar me ambasadorin e Gjermanisë në Podgoricë, Robert Weber.
Abazoviq ka thënë se Weber bën në vazhdimësi punë të madhe në shërbim të demokratizimit të Malit të Zi.
“Gjermania mbetet një mike e madhe e vendit tonë dhe një partner i besueshëm në rrugën drejt integrimit evropian”, ka shkruar Abazoviq në twitter.
Ky takim me ambasadorin gjerman vjen pas takimit të djeshëm me ambasadoren amerikane në Mal të Zi.
