Policia e Kosovës ka shpallur në kërkim një shtetas turk për vrasjen që ndodhi mesditën e së dielës në qendër të kryeqytetit dhe që tronditi banorët.
Sipas të dhënave ngjarja ndodhi në rrugën “Bekim Fehmiu”, ku shtetasi turk iu afrua makinës ku qëndronte viktima dhe qëlloi me pistoletë disa herë mbi të.
Autori i ngjarjes është identifikuar si Altin Yaldimir, shtetas turk. Policia ka ushtruar kontrolle në disa lokacione, por nuk ka mundur ta gjejë, ndërkohë që ka publikuar dhe foton e tij.
Arma me të cilën dyshohet është kryer krimi është gjetur 100 deri 150 metra nga vendi i ngjarjes, në një kosh plehrash.
