Drejtuesi i LIBRA-s, Ben Blushi, ka ironizuar sot në Kuvend nacionalizimin e kryeministrit Edi Rama, duke e krahasuar me Esat Pashë Toptanin.
Për deputetin Blushi, Rama është një nacionalist dhe jo një patriot. Sipas tij, nacionalistët e shkatërrojnë vendin e tyre, ndërsa patriotët e mbrojnë.
Pjesë nga fjala e Ben Blushit në Kuvend
Rama na ftoi në garën e nacionalistët.
Nacionalistët e kanë shkatërruar Europën dhe patriotët e kanë bashkuar. Për shkak se e ka paguar këtë leksion me gjak, Europa sot e di shumë mirë kush është nacionalist e patriot. Në kushtet tona, për shkak të historisë e ka pasur të vështirë për ta ndryshuar nacionalistin ekstrem dhe patriotin, sidomos kur nacionalistët e kalojnë kollaj kufirin dhe bëhen patriot.
Nacionalistë shqiptarë janë ushqyer me miellin e fqinjëve dhe krundet e Shqipërisë. Shumë na ftuan për të bërë ndryshimin e nacionalistit me patriotit.
Ismail Qemali ishte patriot
Esat Toptani ishte një nacionalist, një tradhtar
Abdyl Frashëri ishte patriot
Mit’hat Frashëri ishte nacionalist
Fan Noli ishte patriot
Ahmet Zogu ishte një pragmatist
Meqë nacionalistë kanë nisur të kenë sukses në Europë, edhe Shqipëria nuk mund të mbetet pa nacionalistë. Nacionalistët shqiptarë nuk merren seriozisht. Ata nuk kërkojnë më shumë barazi, solidaritet e harmoni, por ata kërkojnë vetëm pushtet. Ky është një cen që i bashkon, nuk dinë të qeverisin, ose qeverisin shumë keq dhe kur e kuptojnë bëhen më shumë nacionalistë seç janë dhe kërkojnë hapësira të mëdha. Nacionalistët i shtynë vetëm dëshira për pushtet. Edhe Berisha në 100 vjetor u bë nacionalist dhe nuk kishte asnjë program, por për nja 4 muaj jetoi në ujërat e nacionalistët.
