Britania e Madhe është bërë vendi i parë në botë që miraton vaksinën e “Pfizer e BioNTech” për përdorim të gjerë.
Rregullatori britanik, MHRA, thotë se vaksina, e cila ofron mbrojtje deri në 95% kundër sëmundjes Covid-19, është e sigurt për t’u aplikuar javën e ardhshme.
Vaksinimet mund të fillojnë brenda ditësh për njerëzit në grupe me përparësi të lartë.
Britania e Madhe tashmë ka porositur 40 milion doza.
Rreth 10 milion doza duhet të jenë në dispozicion së shpejti, me dozat e para që mbërrijnë në Mbretërinë e Bashkuar në ditët në vijim.
Sekretari i Shëndetësisë Matt Hancock njoftoi në Twitter se “NHS është gati të fillojë vaksinimin në fillim të javës tjetër”.
Megjithëse vaksinimi mund të fillojë, njerëzit ende duhet të qëndrojnë vigjilentë dhe të ndjekin rregullat e koronavirusit për të ndaluar përhapjen, thonë ekspertët.
Kjo do të thotë se njerëzit do të duhet të vazhdojnë të respektojnë distancën sociale, të mbajnë maskat mbrojtëse si dhe të testohen ata që dyshohet se e kanë virusin dhe të respektohet karantina.
