Autori i plagosjes së ndodhur në Lezhë mëngjesin e sotëm, është vënë në pranga.
Policia njoftoi se ka vënë në pranga 69-vjeçarin Gjin Gjini si dhe ka sekuestruar një pushkë, me të cilin dyshohet se ai ka qëlluar në këmbë 43-vjeçarin Hil Gjini.
Sipas hetimeve paraprake, protagonistët kanë pasur konflikte pronësie.
“Policia e Lezhës, menjëherë pas njoftimit të marrë për ngjarjen e ndodhur në fshatin Balldre, Lezhë, organizoi punën dhe pas dy orë ndjekjeje dhe kërkimesh, falë edhe mbështetjes së qytetarëve, arriti të kapë në rrethinat e fshatit Balldre dhe të vërë në pranga shtetasin Gj. Gj., 69 vjeç, banues në Balldre. Ky shtetas dyshohet se për motive pronësie ka plagosur në këmbë, me armë zjarri, shtetasin H. Gj., i cili ndodhet në spital, nën kujdesin e mjekëve, jashtë rrezikut për jetën. Strukturat hetimore të DVP Lezhë, nën drejtimin e Prokurorisë së Rrethit Gjyqësor Lezhë, po vijojnë punën për dokumentimin e plotë te kësaj ngjarjeje”, njoftoi policia.
