Champions League do të mbyll sot fazën e 1/8-ve me dy përballje spektakolare, Bayern Munchen-Juventus dhe Arsenal e Barcelona.
Mbrëmjen e djeshme kanë marrë biletën për në tetë më të mirat e Europës Manchester City e Atletiko Madrid. Anglezët mbyllën me sukses atë që nisën në Kiev, ku ukrainasit u gjunjëzuan me rezultatin 3-1, teksa Atletiko Madrid i duhej të priste llotarinë e 11-të metërshave e të gjuheshin 16 të tillë për të marrë biletën e kualifikimit. Juventus i përgjysmuar në Gjermani; Juventus ka udhëtur i përgjysmuar drejt Mynihut ku do të ndeshet me vendasit e Bayernit në kuadër të sfidës së kthimit të 1/8-ve të Ligës së Kampionëve.
Takimi i parë i mbyllur me rezultatin 2-2 në Torino la gjithçka hapur. Tekniku Massimiliano Allegri i ka të përgjysmuar lojtarët, pasi Dybala, Marchisio, Chiellini janë mungesa të sigurta, ndërsa nuk dihet nëse Madzukiç doja dalë të luaj. “Për Dybala zgjedhja ishte e imja”, tha Allegri. “Juventus duhet të luaj si Juventus pavarësisht kush luan”, tha tekniku nga Toskana.
Giggi Buffon nga krahu tjetër tha se Juventus ka luajtur edhe me më shumë mungesa e ka fituar. “Ne jemi Juventus dhe e kemi për detyrë të besojmë”, tha portieri bardhezi. Edhe tekniu spanjoll i kampionëve Gjerman, Pepp Guardiola ka një dhimbje koke të madhe. Holandezi Robben ka qenë me grip dhe nuk ka marrë pjesë në stërvitjen e fundit, çka i ka hapur rrugë mundësis së mungesës së tij. “Shpresojmë ta rekuperojmë. Ne duhet të kualifikohemi. Morën një rezultat pozitiv në Itali, treguam superioritet dhe duhet të vijojmë në këtë ritëm”, tha Guardiola.
Barcelona fomralitet ndaj Arsenal: Arsenali po kalon një moment aspak të mirë dhe përballja me Barcelonën vjen nënjë moment që nuk duhet. Djemtë e Venger duket se në “Camp Nou”, do të marrin goditjen e fundit të këtij sezoni, i cili do të mbyllet pa trofe. Por, Venger shpreson në mrekullinë dhe shprehet se kush nuk provon nuk mund të mrekulloi. “Duhet një ndeshje e madhe dhe ne kemi detyrën e thjeshtë të provojmë, pasi kështu nuk do të kemi pishmane”, tha francezi. Ndryshe është klima në katalunjë, ku vendasit po përgatisin shfaqjen e rradhës.
Të kualifikuara: Real Madrid, PSG, Benfika e Volzburg,Manchester City, Atletiko Madrid
Programi:
20:45, Barcelona-Arsenal 2-0
20:45, Bayern Munchen-Juventus 2-2
