“Nisma Thurrje” ka reaguar pas ngjarjes së ndodhur në spitalin “Covd-2”, ku një pacient i shtruar sipas policish, është vetëvrarë duke u hedhur nga ballkoni i “Shefqet Ndroqit”.
“Nisma” kujton se 5 pacientë të sëmurë me Covid 19 i kanë dhënë fund jetës deri më sot duke u hedhur nga ballkoni i spitaleve ku ishin shtruar me shpresën për tu shëruar.
Teksa u shpreh ngushëllime familjeve, “Nisma” shton:
“E kuptojmë që qeveria nuk ka para për të paguar psikologë, ato lekë i ka marrë Vilma për Check up-in që nuk i shërben kujt. E kuptojmë që nuk ka lekë as për më shumë dhoma ku pacienti të ndihet më i qetë e të mos ndajë dhimbjen e tjetrit, ato lekë i ka marrë bojaxhiu nga italia me konçesionin e sterilizimit më të shtrenjtë në botë. E kuptojmë edhe që qeveria nuk ka lekë për pajisje më cilësore, të cilat të mundësojnë kurim si në Turqi apo Itali, ato lekë i merr Klodian Zoto për incineratorët fantazma që nuk ekzistojnë”.
“Por ama mundësinë për të kyçur dyert e siguruar ballkonët kjo qeveri e ka. Të paktën kaq ua ka borxh njerëzve që paguajnë taksa me shpresën se ato do tu prodhojnë siguri. A e bëni dot kaq”, mbyllet reagimi.
