Kryeministri Rama paralajmëron një “fjalim të fortë” nesër në Kuvend, si i përket raporteve mes Tiranës dhe Athinës, të tensionuara së fundi nga ngjarjet në Himarë dhe postimi i tij në Facebook për Akropolin.
Një prej komentuesve në Facebook i thotë kryeministrit: “Hidh nonje foto me Akropulin .te cemenden fare greket se nuk u vin mir na e verteta .”
Ndërkohë kryeministri i ka kthyer këtë përgjigje:
“Neser ne kuvend do ta marrin pergjigjen time per sa kane thene keto dite, fqinjet tane te vjeter e te dashur , me te cilet duhet dhe duam te kemi marredhenie te shkelqyera! E qe t’i kemi te tilla, na duhet patjeter te jemi te hapur, te vertete e te barabarte me njeri – tjetrin! Sepse koha e fqinjit te pasur qe i tregonte arat fqinjit te varfer ka marre fund mes nesh.”, shkruan Rama.
Mediat greke e kanë sulmuar së fundi kryeministrin shqiptar, duke thënë ndër të tjera se ai është një kukull në duart e presidentit turk, Erdogan.
