Gjatë 24 orëve të fundit Italia regjistron 20.648 raste të reja me Covid-19, ndërsa 541 pacientë nuk e kanë fituar dot betejën me virusin.
Sipas mediave italiane janë bërë 176,934 tamponë, ndërsa 13,642 pacientë janë shëruar. Me shifrat e sotme, numri i përgjithshëm i të infektuarve arrin në 1,585,178, ndërsa ai i viktimave në 54,904. Raporti mes tamponëve dhe rasteve të reja arrin në 11,6%
Lombardia vijon të jetë rajoni me më shumë raste të regjistruara: 3203, e ndjekur nga Veneto me 2617 dhe Campania me 2022.
Pas tyre vijnë Piemonte (2.021), Lazio (1.993), Emilia-Romagna (1.850) dhe Sicilia (1.024). Në rajonet e tjera nuk është arritur shifra 1000 infektime ditore.
Nesër pritet një mbledhje e krerëve të rajoneve me përfaqësuesit e qeverisë për diskutuar mbi situatën dhe nëse duhet të nxirret apo jo dekret tjetër për masat shtesë.
