Partia Demokratike ka surprizuar me përzgjedhjen e kandidaturave për kreun e Komisionit Qëndror të Zgjedhjeve.
PD i ka hequr mundësinë kryetares aktuale të KQZ, Lefterije Luzi për një mandat të dytë duke e skualifikuar nga gara, shkruan Ora News.
Demokratët eleminuan edhe femrën e dytë nnë garë, Rozeta Ivanova.
PD i dha bekimin Denar Bibës dhe Koli Beles, kandidatura këto që do të shkojnë në seancën e nesërme parlamentare për votim.
Nga dy kandidaturat, favorit shikohet kandidatura e Denar Bibës që aktualisht mban postin e nënkryetarit të KQZ.
Ishte Komisioni i Ligjeve që në mbledhjen e sotme pa praninë e PD, shqyrtoi vlefshmërinë e 5 kandidaturave.
Mazhoranca në Komision përzgjodhi vetëm katër, duke skualifikuar nga gara Anton Lleshaj.
